Nógv for lang tíð...

Nógv for lang tíð ímillum inleggini, men eisini nógv for lang tíð gingin til vit koma uppá pláss í húsinum!

Vit keyptu eini hús í novembur í '12, men enn er tað so nógv, sum vit droyma um.  

Mær hevur dámt ótrúliga væl hetta hugskotið í langa tíð. Nú gerst tað vónandi veruleiki ;)

Myndir frá Anna Weinreich

Men úrvalið av kassum her heima er lítið og einki. Tú kanst keypa 6 kassar í 2x3 fyri 1000,-. Men í gjárskvøldið kom eg inn á síðuna www.cchobby.dk/ og har fekk eg tríggjar kassar fyri 250,- ink. frakt til Føroyar. JAY!

So tað eri eg spent uppá at síggja. Vónandi koma teir í næstu viku :)

Seyma babyklæði

Gott nýggjár, góðu tit! Vit hava, sum tit kanska hava lagt merki til, eisini ligið eitt sindur í dvala í jólaferiuni. Men nú eru vit afturvendar!

Eg havi, síðani eg fekk eina seymimaskinu frá manninum í jólagávu, seymað eitt sindur av babyklæðum. Tit skulu sleppa at síggja pløggini skjótt. Inntil tá vil eg bara tipsa um ein deiligan (fyri tað mesta seymi-)blogg, sum eg havi fingið nógvan íblástur frá. Anna Svenning eitur hon og hevur bloggin Laralil. Vitjið hana!

Persónlig til og frá

So er tað 23. desembur og í morgin er tann stóri dagurin :)

Sjálv hevði eg ynskt, at jólaaftan ikki var longu, so hevði man kunna notið hesa deiligu tíðina longri! 

Í morgun gjørdu Róar og eg "til og frá" merkir :)

Eg brúkti hesi tingini:
klisturmerkir
Saks
Grovt pappír
Máling

Klistraði eitt merki á eitt pappír og klipti rundanum

So málaði Róar tað so fínt

Tú kanst eisini tekna eitt hvørt og klippa tað út

Storm

"Ja, tað er tann tíðin", sum vit hava hoyrt so ofta í dag. Tað er tíðin til stormar! 

Her ristur og buldrar í húsinum.

Hóast larmin, so hava eg og sonurin, hugnað okkum við sjokulátu og kips afturvið teknifilmi. :) 

Desembur er ein ótrúliga hugnaligur mánaður, hóast ofta ringt veður. Vit hava nógv at gleða okkum til. Vinfólk koma heim. Og mammusa skattur fer at uppliva jól - ordiligt! Í fjør var hann so lítil. Hann var glaðast fyri alt innpakningspappírið ;)  

Annars eru Durita og Pætur komin heim aftur í øllum góðum. Takk fyri, at tit vildu deila tykkara upplivingar við okkum :-)

advent

Nú er ikki so leingi til fyrsta sunnudag í advent.

Tí havi eg funnið nøkur hugskot fram til íblástur.

Tað eru so ótrúliga nógv at velja ímillum, men mær dámar væl tá alt ikki líkist og tí haldi eg at ein samanseting sum hetta, hevði verið akkurát eg.

Her eru eisini nakrir adventkransar, úr merkinum Kähler, ferm LIVING, LERCHE design, sum prýða um á borðinum.

Um tær dámar at vera kreativ og vil gera tín egna adventkrans, so eru her nøkur uppskot :)

Minst til at fylgja okkum á facebook.

Babyteppi úr bumull

Í dag eru 87 dagar eftir til termin, og tað tykist sum tíðin bara gongur skjótari og skjótari, hóast dagarnir ganga seint. Torført at forklára.

Eg havi við íblástri frá einum øðrum bloggi, bundið eitt, um eg sjálv skal siga tað, so ræðuliga fitt babyteppi. Myndirnar eru tiknar eitt sindur ymisk tíðspunkt. Og sum oftast um kvøldið við telefonini, so kvaliteturin er skiftandi, men vónandi síggja tit eisini, at tað er nokk so fitt.
Eg broytti uppskriftina, so teppi hóskar betur til tað, eg vil hava. Eg vildi hava eitt stórt bleytt teppi. Hetta er umleið 70x100 cm. Eg havi brúkt 5 noðu av hesum limegrøna tógvi frá Mayflower. 125 kr kostaðu tey tilsamans.

Eg havi brúkti stokk nr 3½ (Eg brúkti 80 cm rundstokk, so tað var deiliga lætt at halda eyga við, hvussu stórt tað bleiv)
Kastaði 168 eygu á og bant 8 røtt umfør. Mynstrið telur 12 eygu, men eg havi latið 6 tey fyrstu og síðstu eyguni í hvørjum umfari verið roynd. Hesi eyguni havi eg bundið røtt. Eisini á rangsíðuni.
Síðani er tað nokk so lætt. Tú bindur mynstrið, til teppið er umleið 90-100 cm, ella til tú metir tað vera passaliga nógv eftir av síðsta tógvinum, til at enda við 8 røttum umførum aftur, sum rond, og at taka av!

Åååja!! Viktugt! Minst til at dáma okkum á facebook! Trýst her, og kom inn á okkara síðu!

Girlcrush!

Hon eitur Juliett Kuczynska. Er bloggari. Og egentliga veit eg ikki so nógv meir um hana. Alt eg finni er á polskum. So hon er polsk! That's it. Men hon hevur feitan stíl. Meir nýtist mær ikki at vita!