Dagsins loppur

So fall eg sum ikki einaferð í ta deiligu freisting at keypa endurnýtslu. 

Eg havi ein, hvat skal man kalla tað, ein innara bardaga, har eg ikki klári at góðtaka tað at endurnýtlsa er nógv for dýrt! 

Útboð og eftirspurningur - vøran er hareftir.

Eg gekk inni í handlinum hjá Torgerð Suðuroy. Eg kom inn og dururin er skítfullur av teak kommodum, hillum, kassum, sum antin ikki eru settar saman, ella er brotið. Stadigvekk havi eg hug at taka eitt petti upp og vita um prísur er á. 

Handilin er á tremur við øllum góðum. Torgerð er blíð at koma inn til. Hon dugur at snakka. Og hon dugur eisini at selja. Í hvussu er til mín. Meðan eg stóð og hugdi eftir tí flotta heklaðar teppinum, sum sæðst á myndini, segði hon mær, at systir hennara var farin í gongd við at hekla sær eitt sovorðið teppi í vár. Hon hevði brúkt 1700 krónur uppá garnið, og var ikki liðug við tað enn!

Tað var sum um hon læs mínar tankar, meðan eg helt í teppinum. Tað var so pent og stórt, eg visti eg fór aldri at hava tol til at binda mær eitt so stórt teppi. Men eg vil so gjarna vera røsk, konulig og yvirskotsagtig, tú veit, alt tað góða ;) 

Men ahskít - eg smekkaði til! 

Og meðan eg var í gongd, so mátti eg keypa handan fitta krakkin - ella hvat kallar man tað? Trin?

So kann sonurin endiliga fylgja við hvat gongur fyri seg á køksborðinum, uttan at koma drassandi yvir við stólinum ;)

Nú er teppið í vaskimaskinuni og eg má fara at finna eitt pláss at hava krakkin standandi :)

Hvar bleiv summarið av?

Summarið eksisteraði so ikki her inni á síðuni!! :o

Seinast eg skrivaði, var eg á veg í brúdleyp hjá Angelie og Jerry at filma. Tað gekk ordiliga væl. Tey vóru so vøkur og eisini glað fyri filmin, sum tey fingu við sær av landinum nakrar dagar seinni.

Her eru Instagram myndir, sum eru postaðar ígjøgnum summarið. 

Summarið fekk heilt vist Føroyar, at vísa seg frá síni allar bestu síðu.  

Vit byrjaðu summarferiuna í Danmark í tvær vikur. Tað var allar fagrasta veður, men faktiskt nokso gott at koma heim til tey góðu 15 hitastigini her heima, ístaðin fyri 25-30. 

Men í stuttum, so eitt fantastiskt summar við Voxbotn, vinfólkum, Legoland, Ólavsøku, familjuni og tað vigtigasta -  við dipdye hárið ;)

Nú er gerandisdagurin byrjaður aftur, og tað er gott at hava fingið rútmuna aftur :)

Í sveimandi stólinum: Guðrun Pætursdóttir Háberg

Vit hava fingu orðið á Guðruna, sum er ein roynd songkvinna. Hon hevur verið bakgrundssangari hjá nógvum bólkum, og í vár gav hon fløgu út saman við Bartali Augustinussen. Vit seta henni nakrar spurningar.

Hvat gert tú?

Eg lesi námsfrøði á Frøbel

Hvar ert tú?

Keypmannahavn, Danmark

Ætlar tú tær heim aftur?

Eg ætli mær heilt avgjørt heim aftur, men tað verður nokk ikki enn.

Tú vanst Sement saman við Bartali, hví luttóku tit?

Vit vunnu Sement í februar 2011. Áðrenn tað høvdu vit spælt eitt lítið sindur saman – til okkurt brúdleyp og føðingardagar, men aldrin okkara egna tónleik. Eg visti, at Bartal hevði gjørt nøkur løg og spurdi eg hann beint áðrenn Sement, um vit ikki skuldu royna tað.

Bartal og eg kennast so mikið væl, at tað føldist náttúrligt fyri meg, at vit meldaðu okkum til kappingina saman.

Vit meldaðu okkum til Sement við tí fyri eygað, at onnur skuldu vita at vit ”eksisteraðu” og fyri at tey skuldu koma at kenna okkara tónleik. Eg hevði aldrin droymt um, at vit fóru at vinna, so tað var ordiliga stuttligt. Haldi ikki at eg eri blivin so kløkk fyrr, sum tað kvøldið vit vunnu

Hjá einum tónleikara, er allarhelst størsta ynski at geva fløgu út. Hvussu er kenslan?

Tónleikur hevur altíð fylt nógv í mínum lívi, og at vera sangari var altíð mín stóri dreymur. Eldri man blívur, meir skumpar man kanska hesar dreymarnar til síðis, tí at tað er so mikið ringt at sleppa framat.

”Vónin er” kom út 5. apríl í ár og er hon okkara fyrsta fløga.

Tað føldist ótrúliga óveruligt. Haldi ikki at tað er fyrrenn nú, at tað spakuliga er byrjað at ganga upp fyri mær.

Tað er ein fantastisk kensla.

Og ert tú nøgd?

Eg eri ótrúliga væl nøgd og errin av okkara fløgu. Haldi at vit fingu tað fram sum vit ætlaðu við henni. Vit vóru heppin at hava Benjamin Petersen sum framleiðara, og megnaði hann sítt arbeiði 100%. Fløgan hevði ikki verið tann sama uttan hann.

Um tú kundi, hevði tú so livað av tónleikinum?

Heilt avgjørt. At syngja er tað sum eg elski at gera, og um eg kundi livað bara av tí, so hevði eg tikið av.

Hvat gert tú, tá tú skalt hugna tær?

Eg eri ein rættiliga ”stille og rolig” genta. Eg hugni mær ordiliga nógv, tá ið eg eri saman við fólki sum eg eri góð við.

Annars trívist eg væl í mínum egna selskapi. Eg elski tá ið íbúðin er nývaskað, tendri stearinljós og koyri góðan tónleik frá.. tá hugni eg mær.

Um tú vanst eina millión, hvat hevði tú brúkt pengarnar uppá?

Eg hevði roynt at sett eitt sindur til síðis. Annars ferðast og hugna mær.

Er glasið hálvtómt, ella hálvfult?

Eg haldi at eg eri ein góð blanding av báðum.

Og til endan, hvar ert tú um 10 ár?

Eg hopi at eg eri glað og komin á røttu hyll.

Vit takka fyri prátið. Alt tað besta :)

Innandura

Danska merki Bloomingville er sum eitt magnet fyri meg. Gangi eg inni í 2x3, Miklagarði ella onkustaðni har tað selist, so standi eg, áðrenn eg veit av, við onkrum í hondini og fantaseri um hvar tað skal vera heima hjá mær.

Tað er so simpult, dekorativt og so eisini passaligir prísir.

Yndis á mánadegi

 

 

Yndis er í dag Beinta á Torkilsheyggi. Hon er so dugnalig. Hon hevur heimasíðuna www.beinta.com.

Sveimandi? Hvat heitasta!

Bloggurin hevur so dyggiliga tørv á eini kerligari hond. 

Eitt nýtt navn! Ja, tað trongdi til. Eg hevði ikki væntað, at hendan síðan fór at hava so langa livitíð.

11. apríl '11 var fyrsta greinin skrivað. Eg sat á skúlaheiminum í Valby og royndi at fordríva tíð.

Nú eru tvær afturat mær, sum skriva og so fær man smá "kick" av, at tað til tíðir eru yvirraskandi nógv, sum vitja síðuna.

Nú er navnið so skift til Sveimandi. Eg haldi tað er sera hóskandi og ikki so torført, bæði at minnast og skriva

Vit eru sveimandi. Vit blogga um ting, vit ynsktu vit høvdu. Vit ímynda okkum, at einaferð fer tað at vera so og so. Hava tað perfekta heimið. Yvirskot til at baka milliardir av køkum, sum vit senda til tey heimleysu. Fyldigt hár og slættan búk osfr.

Oooog so eru vit sera glaðar fyri, at kunna bjóða einum nýggjum bloggara vælkomnan upp í toymið:

Ingun Háberg!

2# Vilt tú eiga?

Blusa av Kate Moss kollektiónini frá Top Shop, sum eg keypti tá eg var niðri í skúla. 

Elski hana!! Men eg brúki hana ongantíð, og havi innsæð, at tað er ikki ein nóg góð grund til at hava hana hangandi í skápinum.

Toppur frá Guðrun & Guðrun.

Gestuz kjólin, sum kostaði 1500,- nýggjur.

Nokk tað einasta plaggið, sum eg havi brúkt so nógvar pengar uppá, sum ikki er G&G ;)

Hann er stødd 34.

Ektaður skinnfrakki. 

Medium/large.

Frakkin er seldur

Um nakar ynskir, at keypa, ella bara síggja nakað av hesum, so kunnu tit skriva boð her :)